Saud Arabystany nobatdaky ägirt uly taslamasyny yglan etdi. Patyşalykda 92 müň tomaşaçy orunlyk stadion gurmak isleýärler. Dünýäniň iň iri sport desgalarynyň biri Patyşa Salmanyň adyny göterer.
Bu ägirt uly taslamany 2029-njy ýylyň dördünji çärýegine çenli gurmak meýilleşdirilýär. Şeýle hem bu stadionda 2034-nji ýylda futbol boýunça Dünýä çempionatynyň oýunlaryny kabul etmek meýilleşdirilýär.
Stadionyň tutýan meýdany 660 müň inedördül metrden gowrak bolar. Ol tomaşaçylaryň oýna rahat tomaşa edip bilmekleri üçin ýörite sowadyş ulgamy bilen enjamlaşdyrylar.
