28-nji iýula geçilen gije UFC 304 ýaryşynyň esasy wakasynda britaniýaly Leon Edwards amerikaly Belal Muhammad bilen söweşde ýarym orta agramda (77 kg çenli) çempion guşagyny gorap bilmedi. Mançesterde (Beýik Britaniýa) geçirilen söweş bäş raund dowam edip, emin agzalarynyň biragyzdan karar bermeginde Muhammadyň ýeňşi bilen tamamlandy.
36 ýaşly Belal Muhammad professional söweşiji karýerasyna 2012-nji ýylda başlady, UFC-de bolsa ilkinji gezek 2016-njy ýylda söweşdi we şondan bäri 15 ýeňiş gazandy, üç ýeňlişe sezewar boldy.
2023-nji ýylyň maý aýynda UFC 288-de geçirilen öňki söweşinde Muhammad titula öňki dalaşgär braziliýaly Gilbert Býornsdan üstün çykdy.
Leon Edwards 32 ýaşynda. Ol UFC-de 2014-nji ýyldan bäri çykyş edýär. 2022-nji ýylyň awgustynda çempion tituly üçin söweşip, nigeriýaly Kamaru Usmany bäşinji raundda nokauta düşürdi, şondan soň iki gorag geçirdi. Muhammaddan ýeňilme Edwards üçin dokuz ýylda ilkinji we karýerasynda dördünji boldy. Soňky gezek Leon 2015-nji ýylda Kamaru Usmandan ýeňildi.
Agşamyň ýene bir esasy wakasynda britaniýaly Tom Aspinall amerikaly Kýortis Bleýdsi nokauta gidirip, agyr agramda wagtlaýyn çempionlyk guşagyny gorady.
