Olimpiýa futbol ýaryşlary başlandy: Argentinanyň ýeňlişi we beýleki netijeler

  • 25.07.2024 15:33
  • 18k+

24-nji iýulda Parižde Olimpiýa futbol ýaryşy başlandy. Ilkinji oýun güni garaşylmadyk netijeler berdi. Marokko Argentinadan 2:1 hasabyna üstün çykdy.

Sent-Etýen şäherindäki “Žeffrua-Gişar” stadionynda geçirilen oýnuň soňy tomaşaçylar bolmazdan tamamlandy. Goşmaça wagtyň 16-njy minudynda argentinalylar gol geçirenden soň, Marokko toparynyň janköýerleri meýdança ylgadylar. Oýun iki sagatdan soň boş stadionda gaýtadan dowam etdirildi, ýöne argentinaly futbolçy Kristian Medinanyň goly oýundan daşardaky ýagdaý sebäpli ýatyryldy. Şeýlelikde, Marokko hasaby goramagy başardy.
Marokkalylardan Sufian Rahimi iki gol saldy (45+2, 51, pen.). Argentinadan ýeke-täk goly Juliano Simeone geçirdi (68).
Ilkinji oýun gününiň ähli oýunlarynyň netijeleri:

  • Topar A. Gwineýa U23 - Täze Zelandiýa U23 - 1:2.
  • Topar A. Fransiýa U23 - ABŞ U23 - 3:0.
  • Topar B. Argentina U23 - Marokko U23 - 1:2.
  • Topar B. Yrak U23 - Ukraina U23 - 2:1.
  • Topar C. Özbegistan U23 - Ispaniýa U23 - 1:2.
  • Topar C. Müsür U23 - Dominikan Respublikasy U23 - 0:0.
  • Topar D. Ýaponiýa U23 - Paragwaý U23 - 5:0.
  • Topar D. Mali U23 - Ysraýyl U23 - 1:1.

Parižde geçirilýän Olimpiýa futbol ýaryşy 10-njy awgusta çenli dowam eder. Häzirki çempion Braziliýa ýygyndysydyr. Finalda günorta amerikalylar Ispaniýa ýygyndysyny 2:1 (DV) hasabynda utdular. Bu ýyl braziliýalylar ýaryşa gatnaşyp bilmezler.


düýn 19:15
3.9k+

“Galatasaraý” Osimheni türk kluby üçin rekord 75 mln ýewro satyn aldy

Nigeriýanyň milli ýygyndysynyň hüjümçisi Wiktor Osimhen Italiýanyň “Napoli” klubundan “Galatasaraý” türk klubuna geçdi. Bu barada Stambulyň futbol klubunyň resmi saýtynda habar berilýär. 26 ýaşly hüjümçi bilen şertnama dört ýyl möhlet bilen baglaşyldy...

düýn 15:10
5.6k+

Futbol boýunça DÇ-2026-nyň bije çekişigi dünýäniň iň uly şar şekilli zalynda geçer

2026-njy ýylyň futbol boýunça dünýä çempionatynyň toparlaýyn tapgyrynyň bije çekişigi 5-nji dekabrda Las-Wegasda geçiriler. Bellemeli ýeri, şäheriň özi ýaryşyň ýekeje-de oýnuny kabul etmeýär. ESPN-iň maglumatlaryna görä, bije çekişik 17,5 müň tomaşaça niýetlenen dünýäniň iň uly şar görnüşli binasy bolan “Sfera” zalynda geçiriler...

31.07.2025 20:35
4.5k+

IFAB eminlere milli çempionatlarda beden kameralaryny dakynmaga rugsat berdi

Halkara Futbol Assosiasiýasynyň Geňeşi (IFAB) eminler tarapyndan kameralaryň ulanylmagyny makullady diýip, El Partidazo de COPE habar berýär. Kameralar telewideniýäniň teleýaýlymlaryna wideolary geçirmek üçin ulanylar...

31.07.2025 14:14
4.8k+

“Barselona” Kobi Braýantyň hormatyna “Leýkersiň” reňkinde eşik toplumyny hödürledi

“Barselona” 2025/26 möwsümi üçin myhmançylykda geýjek täze eşik toplumyny hödürledi. Köýnekçe gara we benewşe öwüşgin bilen sary reňkde ýerine ýetirildi – ol Kobi Braýantyň çykyş eden “Los-Anjeles Leýkers” basketbol toparynyň reňklerine salgylanýar...