Hytaýly alymlar heläkçilikde eremeýän dünýäde ilkinji ýadro reaktoryny işe girizdiler. Onuň synaglary barada Joule žurnalynda habar berildi.
2023-nji ýylyň dekabrynda Hytaýda kuwwaty 210 MWt bolan guýulýan modully ýokary temperaturaly reaktor (HTR-PM) işe girizildi.
HTR-PM bilen adaty reaktorlaryň arasyndaky esasy tapawut - has köp grafitli we az uranly ýangyç esaslary. Bu ýangyjyň energiýa dykyzlygyny peseldýär, bölüniş reaksiýasyny haýalladýar we reaktory has ýokary temperatura çydamly edýär.
Sinhua uniwersitetinde geçirilen synaglarda reaktoryň iki moduly hem doly güýji bilen öçürildi. Reaktor daşky gurşawa howp salmazdan, 35 sagadyň içinde tebigy ýagdaýda sowady.
Işläp düzüjileriň sözlerine görä, bu tehnologiýa Fukusima heläkçiligi ýaly, betbagtçylyklaryň öňüni alyp biler.
HTR-PM-iň ýekeje kemçiligi bar - bar bolan ýadro reaktorlaryny täze ýangyç steržne geçirmek üçin täzeläp bolmaz. Ýadro desgasynyň “ýüregini” eremekden goramak üçin ilki bilen HTR-PM reaktorlaryny gurmaly bolar.
