Angliýa Niderlandlary 2:1 hasabynda utup, Ýewropa çempionatynyň ikinji finalçysy boldy. Oýun Dortmundda geçirildi.
Duşuşygyň ýedinji minutynda gollandiýaly Hawi Simons hasaby açdy. 18-nji minutda Angliýa toparynyň kapitany Garri Keýn penaltiden hasaby deňledi. Oýnuň ikinji ýarymynyň 90-njy minutynda angliýalylaryň hüjümçisi Olli Wotkins ýeňiş goluny girizdi.
Angliýa geçenki finalda utulandan soň Ýewro finalyna çykdy – bu taryhda şeýle üçünji ýagdaýdyr. Geçen iki gezek GFR-iň milli topary şeýle ýagdaýa düşdi – 1980-nji ýylda ÝÇ-1976-nyň finalynda utulandan soň we 1996-njy ýylda Ýewro-1992-niň finalynda ýeňlişe sezewar bolandan soň. Iki gezek hem ikinji synanyşykda Germaniýa Ýewro-da ýeňiji boldy.
Finalda Angliýa topary Ispaniýa bilen oýnar. Oýun duşenbe gününe geçilýän gije Aşgabat wagty bilen sagat 00:00-da başlar.
Ispaniýa ýeňiş gazanan ýagdaýynda rekord dördünji titulyny alar. Angliýa öz taryhynda Ýewro-da ilkinji gezek ýeňiji bolup biler.
