BAE üçin çykyş edýän UFC-niň söweşijisi Hamzat Çimaýew HFC Fight Show Reality şouwynyň çäklerinde orta agramda UFC-niň öňki çempiony amerikaly Lýuk Rokhold bilen söweşer. Bu barada Hardcore FC promouşeniniň metbugat gullugy habar berdi.
Guramaçylar heniz tutluşygyň haýsy düzgünler boýunça geçiriljekdigini aýtmadylar.
Lýuk Rokhold we onuň watandaşy, ýarym orta agramda UFC-niň öňki çempiony Taýron Wudli HFC Fight Show Reality-de toparlaryň baş tälimçileri boldular.
22-nji iýunda Çimaýew Saud Arabystanynda geçirilen UFC ýaryşynda awstraliýaly Robert Uittaker bilen duşuşmalydy, ýöne söweş Hamzatyň saglyk ýagdaýy sebäpli ýatyryldy. Onuň deregine Uittaker bilen söweşe russiýaly Ikram Alisker çykdy, ony Uittaker birinji raundda nokauta gidirdi.
