Portugaliýaly astrofotograf Migel Klaro Halkara kosmos stansiýasy (ISS) Günüň öňünden uçup geçip barýarka seýrek pursady tutup ýetişdi. Surat Portugaliýanyň demirgazygynda pursady sekuntda 109 kadr ýygylykda tutýan ýokary tizlikli kamera bilen alyndy.
HKS surata düşürilen pursady Ýerden 441,5 km belentlikde bolup, 7,31 km / s tizlik bilen hereket edýärdi. Stansiýa Günüň öňünden bary-ýogy 0,54 sekuntda uçup geçdi. Gutarnykly suraty döretmek üçin Klaro 2 sekuntda düşürilen 200 kadry ulandy.
Suratda diňe bir Günüň işjeň üsti däl, eýsem onuň öňünden uçup barýan HKS-yň sudury hem görünýär. Inwersiýa usulynyň kömegi bilen HKS ilkinji kadrlarda ak görünýär, bu bolsa Günüň hromosferasyny jikme-jik görmäge mümkinçilik berýär. Ondan soňky kadrlarda stansiýa gara reňkde görünýär.
Klaro HKS-yň Günüň öňünden geçişini surata düşürmegiň kyn düşendigini boýun aldy, ýöne her näme bolsa-da ýokary tizlikli kameranyň kömegi bilen seýrek pursady tutup bildi.
Tutuş prosesi ýörite redaktirlenen wideoda görmek bolýar.
