Ispaniýanyň milli ýygyndysy Ýewro-2024-üň 1/4 finalynda Germaniýadan üstün çykdy. Ştutgartda geçirilen duşuşyk 2:1 hasabynda tamamlandy.
Duşuşygyň esasynda wagtynda 1:1 deňme-deňlik hasaba alyndy. Ispanlardan Dani Olmo (51-nji minut) hasaby açdy. Germaniýadan Florian Wirts 89-njy minutda hasaby deňledi.
Goşmaça goşulan 30 minutda Ispaniýanyň ýarymgoragçysy Mikel Merino ýeňiş goluny geçirdi (119-njy minut).
Ýarym finalda Ispaniýa Portugaliýa-Fransiýa jübüdiniň ýeňijisi bilen duşuşar. Beýleki çärýek final duşuşyklary 6-njy iýulda Angliýa-Şweýsariýa we Niderlandlar-Türkiýe jübütleriniň arasynda geçiriler.
Germaniýa-Ispaniýa duşuşygynyň ilki minutlarynda ispanlaryň ýarymgoragçysy Pedri Toni Kroos bilen çaknyşykdan soň şikes aldy. 8-nji minutda oňa derek Olmo oýna girdi. Marca neşiriniň habar bermegine görä, deslapky barlagdan soň Pedri çep dyzynyň gapdal bogunlarynyň şikesini alypdyr.
