Agyr agram derejesinde UFC-niň çempiony Jon Jons indiki söweşini 2024-nji ýylyň 9-njy noýabrynda geçirer. Bu barada ol Instagram sahypasynda ýazdy diýip, RBK habar berýär.
“Gyzyl burç, meniň ýerim. 9-njy noýabr” – diýip, 36 ýaşly söweşiji sosial ulgamda ýazdy. Ýöne Jonsyň garşydaşynyň ady heniz yglan edilmedi.
Soňky gezek Jon Jons 2023-nji ýylyň mart aýynyň başynda oktagona çykdy, şonda Las-Wegasdaky UFC 285 ýaryşynda fransiýaly Siril Gany ýeňdi. Söweş bary-ýogy bir raund dowam etdi, amerikaly demikdiriji usul bilen ýeňiş gazandy.
Şol söweş Jons üçin 2020-nji ýylda ýarym agyr agramda UFC-niň çempiony titulyny boşadyp, agyr agram derejesine geçeninden soň birinji söweş boldy. Amerikalynyň hasabynda garyşyk başa-baş söweşlerde 26 ýeňiş we bir ýeňliş bar.
