Gruziýanyň Prezidenti Salome Zurabişwili milli ýygyndynyň futbolçylaryny Ýewropa çempionatyndaky taryhy çykyşy üçin Hormat ordeni bilen sylaglady. Sylaglama dabarasy Tbilisidäki Erkinlik meýdançasynda geçirildi, bu ýerde oýunçylary müňlerçe janköýerler garşy aldy diýip, TASS habar berýär.
Milli toparyň ähli oýunçylaryndan başga-da, Hormat ordeni bilen baş tälimçi Willi Sanýolyň ýolbaşçylygyndaky tutuş tälimçiler topary, şeýle-de futbol federasiýasynyň ýolbaşçylary sylaglandy.
Gruziýanyň milli ýygyndysy öz taryhynda ilkinji gezek Ýewro ýaryşynyň ahyrky bölegine gatnaşdy we ýaryşyň garaşylmadyk wakalarynyň birine öwrüldi. Gruziýa toparlaýyn tapgyryň soňky oýnunda Portugaliýany utdy. 1/8 finalda Ispaniýadan utulandygyna garamazdan, gruzin toparynyň ýaryşdaky çykyşy ýurtda uly buýsanç döretdi.
Milli ýygyndynyň oýunçylary Hormat ordenine heniz mart aýynda grekleri utandan soň hödürlenipdi, bu ýeňiş olaryň Ýewro çykmagyny üpjün etdi.
