Hytaý ýedi ýyllyk gurluşykdan soň Şençžen-Çžunşan täze deňiz ýoluny açdy diýip, Rozetked ýazýar.
6,7 milliard dollarlyk megaproekt iki köprüni, iki emeli adany we dünýädäki iň uly demir-beton gurluş bolan 6,8 kilometrlik suwasty tuneli öz içine alýar.
Toplumyň esasy bölegi Lindinýan köprüsidir, onuň beýikligi 270 m, esasy sütüniň uzynlygy 1666 m. Ol özüniň polat guty pürsli tehnologiýasy bilen dünýäniň iň uly deňiz asma köprüsi hasaplanýar.
Ýene-de bir rekord: gurluşykçylar bir günde 22,600 inedördül metrden gowrak asfalt goýmagy başardylar, muny 50 sany basketbol meýdançasy bilen deňeşdirip bolar.
Awtoulag ýoly Şençžen, Çžunşan we Beýik aýlag sebitindäki beýleki şäherleriň arasyndaky baglanyşygy gowulandyrmagy maksat edinip, şäherleriň arasyndaky syýahat wagtyny iki sagatdan 30 minuta çenli gysgaldýar. 85 milliondan gowrak ilaty bolan bu sebit indi işewürlik we syýahatçylyk üçin has elýeterli bolar.
Ýol açylandan soň onda ilkinji bolup BYD YangWang U8 awtoulagy sürendigi bellenip geçilýär.
