Halkara Futbol federasiýasy (FIFA) 2030-njy ýylyň dünýä çempionatynyň final oýnuny Madridiň “Realynyň” öýi bolan “Santýago Bernabeu” stadionynda geçirmek mümkinçiligine seredýär. Bu barada “Marca” ispan neşiri habar berýär.
DÇ-2030 Ispaniýanyň, Portugaliýanyň we Marokkonyň bilelikdäki taslamasy bolar. Urugwaý, Argentina we Paragwaý ýaryşyň açylyş oýnuny kabul eder. Dünýä çempionaty taryhdaky ilkinji dünýä çempionatyndan dogry ýüz ýyl soň geçiriler.
Ýatlap geçsek, häzirki dünýä çempiony 2022-nji ýylyň finalynda Fransiýanyň milli ýygyndysyny utan Argentinanyň milli ýygyndysydyr.
Taryhda 23-nji boljak indiki dünýä çempionaty 2026-njy ýylda ABŞ-da, Meksikada we Kanadada geçiriler. Ýaryşyň final oýny 2026-njy ýylyň 19-njy iýulynda ABŞ-daky “Metlaýf” stadionynda bolar.
DÇ-2030-yň finalynyň geçiriljek ýeri baradaky gutarnykly karar FIFA tarapyndan soňrak kabul ediler.
