Usik Joşua we Dýubua mümkinçilik bermek üçin IBF-iň çempionlyk guşagyndan ýüz öwürdi

  • 27.06.2024 18:19
  • 11k+
Usik Joşua we Dýubua mümkinçilik bermek üçin IBF-iň çempionlyk guşagyndan ýüz öwürdi

37 ýaşly ukrain boksçysy, agyr agram derejesi boýunça dünýä çempiony Aleksandr Usik Halkara boks federasiýasynyň (IBF) çempionlyk guşagyndan meýletin ýüz öwürdi. Ol öz gelen kararyny sosial ulgamlarda mälim etdi.

Usik beýleki boksçylara guşak ugrunda göreşmäge mümkinçilik bermek üçin ondan ýüz öwürýändigini düşündirdi.

Boksçy: “IBF-iň guşagy - 21.09.2024 ýylda size sowgat. Dünýä güýçlüleri söýýär. Dostuňyz, agyr agram derejesinde dünýä çempiony Aleksandr Usik" - diýip ýazdy.

2024-nji ýylyň 21-nji sentýabrynda IBF-iň boş tituly ugrunda  britaniýaly boksçylar  Entoni Joşua bilen Daniel Dýubua göreşer diýlip garaşylýar.
Usik 2024-nji ýylyň 18-nji maýynda Taýson Fýurini ýeňip, iň agyr agramda  dünýäniň absolýut çempiony bolupdy. Ol WBA-nyň, WBO-nyň, IBO-nyň we WBC-niň çempionlyk guşaklarynyň eýesi. Boksçy 2021-nji ýylyň sentýabr aýynda Entoni Joşuany ýeňip, IBF-niň guşagyny alypdy.

Entoni Joşua Jeýk Pol bilen söweşde gazanan pulundan 49 mln dollar salgyt tölär
24.12.2025 13:28
14k+

Entoni Joşua Jeýk Pol bilen söweşde gazanan pulundan 49 mln dollar salgyt tölär

IBF, WBA, WBO we IBO boýunça superagyr agramda öňki dünýä çempiony Entoni Joşua amerikaly bloger-boksçy Jeýk Pola garşy söweş üçin gazanan hakyndan, takmynan, 48,6 mln dollar salgyt tölemeli bolar. Bu barada Yahoo Sports habar berýär...

Serdar Berdimuhamedow Dubaýda boks boýunça dünýä çempionatynda bürünç medal alan türgene pul baýragyny berdi
22.12.2025 11:30
14k+

Serdar Berdimuhamedow Dubaýda boks boýunça dünýä çempionatynda bürünç medal alan türgene pul baýragyny berdi

Prezident Serdar Berdimuhamedow Dubaý şäherinde sportuň boks görnüşi boýunça geçirilen dünýä çempionatynda üstünlik gazanan Baýramdurdy Nurmuhammedowy pul baýragy bilen sylaglamak hakynda Buýruga gol çekdi. 2025-nji ýylyň 30-njy noýabry — 14-nji dekabry aralygynda Birleşen Arap Emirliklerinde geçirilen dünýä birinjiliginde türkmen türgeni 3-nji orna we bürünç medala mynasyp boldy...

Entoni Joşua altynjy raundda Jeýk Poly nokauta gidirdi
20.12.2025 12:35
11k+

Entoni Joşua altynjy raundda Jeýk Poly nokauta gidirdi

Britaniýaly boksçy, superagyr agramda öňki birleşdirilen dünýä çempiony Entoni Joşua amerikaly bloger we boksçy Jeýk Poldan üstün çykdy. Söweş 20-nji dekabrda ABŞ-nyň Maýami şäherindäki «Kaseýýa Sentr» arenasynda geçirilen ýaryşyň esasy wakasy boldy...

«Subut eder ýaly zat galmady…»: Terens Krouford karýerasyny tamamlady
17.12.2025 15:54
12k+

«Subut eder ýaly zat galmady…»: Terens Krouford karýerasyny tamamlady

Ýeňilmedik amerikaly boksçy, bäş agram derejesinde dünýä çempiony Terens Krouford professional karýerasyny tamamlaýandygyny resmi taýdan mälim etdi. Türgen Bütindünýä boks assosiasiýasynyň (WBA), Bütindünýä boks guramasynyň (WBO), Halkara boks federasiýasynyň (IBF) we The Ring žurnalynyň titullarynyň eýesi bolmak bilen, 38 ýaşynda boksdan gidýär...