Ýewro-2024-de çykyş edýän Ispaniýanyň milli ýygyndysyna kämillik ýaşyna ýetmedikleriň zähmeti baradaky Germaniýanyň kanunlarynyň bozulandygy üçin jerime salnyp bilner. Munuň sebäbi ýaryşyň taryhynda iň ýaş oýunçy bolan toparyň 16 ýaşly oýunçysy Lamin Ýamaldyr diýip, Nogomania portaly belleýär.
Germaniýanyň kanunyna laýyklykda, 18 ýaşa çenli şahslara 20:00-dan soň işlemek gadagan edilýär, diňe türgenlere 23:00-a çenli zähmet çekmäge rugsat berilýär. Bu hem ispaniýalylar üçin kynçylyk döredýär, sebäbi hatda 21:00-da başlaýan oýunlarda-da bu çäklendirme meseleli bolup galýar, goşmaça wagt goşulan ýa-da penalti tapgyry ýagdaýynda bolsa bu mümkin däl diýen ýaly.
Hukuk meseleleri boýunça hünärmen Ştefan Graf kanunyň bozulmagynyň sport sanksiýalaryna sebäp bolmajakdygyny, ýagny Ýamalyň oýundan çetleşdirilmejekdigini aýtdy. Ýöne Ispaniýa 30 müň ýewro çenli möçberde jerime salnyp bilner. Şeýle-de bolsa, Grafyň pikiriçe, nemes häkimiýetleri ýagdaýyň adatdan daşarydygyny göz öňünde tutup, düzgün bozulmalara göz ýumup bilerler.
Ýewro ýaryşynda ilkinji iki oýunda Ýamal Horwatiýa (ýerli wagt bilen 18:00-da) we Italiýa (21:00-da) garşy meýdança çykdy. Italiýalylar bilen oýunda ony 71-nji minutda çalyşdylar.
“Barselonada” çykyş edýän Ýamal ýakynda geçirilen söhbetdeşlikde mekdepdäki öý işini Ýewro getirendigini, sebäbi Ispaniýada okuw ýylynyň henizem dowam edýändigini aýtdy.
