Samsung 10-njy iýulda Parižde Galaxy Unpacked-iň çäresinde Galaxy Z Flip 6-ny görkezmäge taýýarlanýar. Eplenýän smartfon barada täze maglumatlar Ýewropanyň Z Flip 6 (SM-F741B) modelini synagdan geçiren Geekbench web sahypasynda peýda boldy diýip, Gizmochina ýazýar.
Galaxy Z Flip 6 -nyň Qualcomm Snapdragon 8 Gen 3 prosessory, 12 Gb RAM bilen üpjün edilendigi we Android 14-de işleýändigi bellendi. Enjam bir ýadroly režimde 2247 bal, köp ýadroly režimde bolsa 6857 bal gazandy.
Mundan başga-da, ozal ýaýradylan maglumatlar 2640 x 1080 piksel durulykda 6,7 dýuýmlyk Dynamic AMOLED 2X displeýiň we täzeleniş tizliginiň 120 Hz, 720 x 748 piksel durulygy bilen 3,4 dýuým daşky displeýiň, şeýle hem 50 megapiksel esasy kameranyň bardygyny tassyklady.
Galaxy Z Flip 6-da Wi-Fi 6E, Bluetooth 5.3, USB 3.2 Gen 1 hem bolar we 256GB ýa-da 512GB fleş-ýatly görnüşinde bolar. Eplenen ýagdaýyndaky ölçegleri 85,1 x 71,9 x 14,9 mm, açylan ýagdaýyndakysy 165.1 x 71,9 x 6,9 mm bolar.
