GAC Toyota bilelikdäki kärhanasy täze Toyota Venza 2024 krossowerini satuwa çykardy. Awtoulag 10 sany bezeg komplektasiýasynda görkezilýär, olaryň 5-si 2,0 litrlik benzinli hereketlendiriji, galanlary bolsa 2,5 litrlik hereketlendirijiniň esasynda gibrid elektrik güýç gurluşy bilen üpjün edilendir. Ähli tekerleri hereketli görnüşi diňe ýokary derejeli konfigurasiýa üçin elýeterlidir diýip, Autohome ýazýar.
Hytaýda Toyota Venza 2024-iň bahasy 29,5 müň dollardan başlap, 41,4 müň dollara çenli ýokarlanýar. Toyota GAC-yň ilkinji alyjylaryna 25 müň ýuan (takmynan 3,4 müň dollar) bonus hödürleýär.
2024-nji ýyldaky Venza bilen 2023-nji ýylyň modeliniň arasyndaky esasy tapawut bir çipli Qualcomm Snapdragon 8155 platforma esasynda döredilen täze media ulgamydyr. Şonuň ýaly SoC Toyota Avalon-yň we Toyota Highlander-iň maglumat ulgamlarynda ulanylýar.Täze platforma geçmegi interfeýsi has täsirli etdi, ses buýruklarynyň tanalmagyny we ykjam enjamlar bilen özara täsirini gowulandyrdy.
Venza 2024-iň 2,0 litrlik benzinli hereketlendirijisi 171 at güýjüni öndürýär we wariatr bilen jübütlikde işleýär. 2,5 litrlik benzin hereketlendirijiden we elektrik hereketlendirijisinden ybarat gibrid elektrik güýç gurluşynyň kuwwaty 297 at güýjüne deň. Geçiriş - e-CVT elektromehaniki wariator.
