“Bolonýanyň” öňki baş tälimçisi Týago Motta “Ýuwentusa” halypa bellenildi. Bu barada klubuň metbugat gullugy resmi saýtda habar berýär.
“Men “Ýuwentus” ýaly uly kluba ýolbaşçylyk etmekde täze tejribe toplamaga örän şat. Men gara-ak reňklileriň buýsanjyny gorap saklamak we janköýerleri has begendirmek isleglerime ynanýan ýolbaşçylyga minnetdarlygymy bildirýärin” – diýip, klubuň metbugat gullugy Mottanyň sözlerini getirýär.
41 ýaşly Týago Motta 2018-nji ýylda oýunçy karýerasyny tamamlady. Onuň soňky kluby “PSŽ” boldy. 2018/2019-möwsüminde Motta parižlileriň 19 ýaşa çenli toparyna, 2019-njy ýylyň oktýabr – dekabr aýlarynda Italiýanyň “Jenoa” toparyna, 2021/2022-möwsüminde bolsa “Spesiýa” ýolbaşçylyk etdi. 2022-nji ýylyň sentýabr aýynda “Bolonýa” tälimçi bellenildi, onuň bilen geçen möwsüm Seriýa A-da indiki Çempionlar ligasy ýaryşyna gatnaşmagy kepillendirýän bäşinji orny eýeledi.
