Ýewro-2024 taryhda tehnologiýa taýdan iň ösen çempionat bolar: çipli top, emeli aň we akylly bilezik

  • 11.06.2024 15:16
  • 14k+

14-nji iýunda, anna güni 2024-nji ýylyň futbol boýunça Ýewropa çempionaty başlar. Bu ýyl Germaniýanyň 10 şäherinde geçiriljek bu ýaryş taryhda tehnologiýa taýdan iň ösen ýaryş bolup biler.

UEFA oýny çaltlaşdyrmak we eminleriň ýalňyşlyklaryny azaltmak üçin birnäçe täze çözgütleri ornaşdyrýar.
Şeýlelik bilen, ýaryşyň resmi topy – Adidas kompaniýasynyň Fussballliebe (nemes dilinden terjime edilende futbola bolan söýgi diýmegi aňladýar) ýagdaýy barada sekuntda 500 gezek maglumat iberýän Connected Ball çipi bilen enjamlaşdyryldy. Bu eminlere jedelli, esasanam, topuň ele degmegi we ofsaýdlar bilen baglanyşykly meseleleri çalt we takyk seljermäge mümkinçilik berer.
Şeýle-de, Euro 2024-de täzelenen VAR ulgamy hem ulanylar, her stadionda 10 kameranyň ýerine 12 kamera bolar. Olar emeli aňyň kömegi bilen ofsaýdyň has takyk tapylmagyny üpjün edip, her bir oýunçynyň bedeninde 29 nokady yzarlaýarlar.
Bu täzelikler arassa oýun wagtyny köpeltmäge gönükdirilendir. Mundan başga-da, eminlere berk görkezmeler berildi: emin bilen diňe toparyň kapitany habarlaşyp biler, diňe derwezebanlar üçin kadadan çykma bolýar.
Janköýerler üçin Euroband-yň ýörite örülen bilezikleri işlenip düzüldi. Olarda bu bilezigi geýenleriň hersiniň ýagdaýyny yzarlaýan kiçijik çip bar. Janköýerlere  hakyky wagtda şeýle bilezigi bar dostlarynyň ýerleşýän ýerini yzarlamaga mümkinçilik berýän programmany göçürip almak teklip ediler. Çipiň kömegi bilen Euro 2024-iň resmi önümlerini satyn alyp, ony bank kartoçkasy hökmünde ulanmak hem mümkin bolar.
Mundan başga-da, UEFA stadionlarda alkogolly içgileri içmeklige berk çäklendirmeler girizdi: adam başyna iki stakandan köp piwo satyn alyp bolmaz we ony diňe stadionyň çäginden daşarda içmäge rugsat berler.


şu gün 09:22
2.9k+

Ronaldu Milletler ligasyndaky ýeňiş üçin milli ýygyndydaky ýoldaşlaryna ýörite sagat sowgat etdi

Portugaliýanyň milli ýygyndysynyň kapitany Kriştianu Ronaldu UEFA-nyň Milletler ligasynda gazanylan ýeňiş mynasybetli tutuş topar üçin ýörite Jacob&Co sagatlaryny sargyt etdi. Bu barada SIC Noticias habar berýär...

düýn 23:17
3.4k+

Ýewropa ligasynyň we Konferensiýa ligasynyň tapgyrynyň netijeleri

Penşenbe güni agşam we anna gününe geçilen gije Ýewropa ligasynyň bäşinji tapgyrynyň we Konferensiýa ligasynyň dördünji tapgyrynyň oýunlary geçirildi. Ýewropa ligasynyň ýaryş jedwelinde fransuz «Liony» birinji orny eýeledi...

27.11.2025 12:45
10k+

Çempionlar ligasy: “Arsenal” “Bawariýany” utdy, Mbappe poker etdi we beýleki garaşylmadyk netijeler

UEFA-nyň Çempionlar ligasynyň bäşinji tapgyrynyň jemleýji oýunlary ýokary netijeliligi görkezdi – oýun gününiň dokuz oýnunda futbolçylar jemi 42 gol geçirdi. Tapgyryň merkezi oýnunda “Arsenal” Mýunheniň “Bawariýasyny” 3:1 hasabynda utdy...

26.11.2025 12:52
7.7k+

Çempionlar ligasynyň 5-nji tapgyry: “Çelsi” “Barselonany” utdy, “ManSiti” “Baýerden” utuldy

Çarşenbe gününe geçilen gije UEFA-nyň Çempionlar ligasynyň umumy tapgyrynyň bäşinji oýunlary geçirildi. Olardan ikisi garaşylmadyk netije bilen tamamlandy: “Çelsi” “Barselonanyň” derwezesine jogapsyz üç gol geçirdi, “Mançester Siti” bolsa öýünde Lewerkuzeniň “Baýerinden” utuldy...