Ronaldu laýklaryň sany boýunça sosial ulgamlaryň rekordyny goýdy

  • 08.06.2024 07:01
  • 27k+
Ronaldu laýklaryň sany boýunça sosial ulgamlaryň rekordyny goýdy

Portugaliýanyň milli ýygyndysynyň hüjümçisi Kriştianu Ronaldu laýklaryň sany boýunça sosial ulgamlaryň rekordyny goýdy. Bu barada Daily Mail habar berýär. 

39 ýaşly futbolçy Mbappeniň Madridiň “Realyna” geçýändigi baradaky postunyň aşagynda teswir ýazdy we bu teswir 5,2 milliondan gowrak laýk aldy.
Ronaldu teswirinde şeýle ýazdy: “Nobat menden [seniň oýnuňa syn etmek]. “Santýago Bernabeuda” özüňi görkezmegiňe sabyrsyzlyk bilen garaşýaryn. Ýaşasyn Madrid”.
10-njy maýda Mbappe 2023/24-möwsümi tamamlanandan soň “PSŽ-den” gidýändigini resmi taýdan mälim etdi. Onuň şertnamasynyň 2024-nji ýylyň 30-njy iýunynda tamamlanýandygy üçin hüjümçi fransuz klubuny erkin agent hökmünde terk edýär.
Mbappe “PSŽ-de” 2017-nji ýyldan bäri çykyş edýär. Ondan öň “Monakoda” oýnaýardy. 2024-nji ýylyň 3-nji iýunynda Mbappe bilen Madridiň “Realynyň” arasynda şertnama baglaşylandygy resmi taýdan yglan edildi.

Amerikaly ýaşaýjy lotereýada 22 ýyllap şol bir sanlary saýlap, 3,5 mln dollar utdy
düýn 19:43
3.6k+

Amerikaly ýaşaýjy lotereýada 22 ýyllap şol bir sanlary saýlap, 3,5 mln dollar utdy

Amerikanyň Ogaýo ştatynyň ýaşaýjysy 22 ýyllap şol bir lotereýa sanlaryny ulanyp, ahyrynda jekpot utmagy başardy. «Classic Lotto» saýtynyň habar bermegine görä, fewral aýynyň başynda satyn alnan bilet oňa köp garaşylan uly utuşy getirdi...

Seýrek duşýan Pokémon karty üçin auksionda rekord derejede 16,5 million dollar tölendi
düýn 09:30
3k+

Seýrek duşýan Pokémon karty üçin auksionda rekord derejede 16,5 million dollar tölendi

Pokémon ýapon franşizasynyň iň seýrek kolleksiýa kartlarynyň biri ABŞ-da geçirilen auksionda 16,5 million dollara satyldy. The Japan Times gazetiniň habar bermegine görä, bu gymmatbahaly eksponaty Ak Tamyň öňki metbugat sekretary Entoni Skaramuççiniň ogly satyn aldy...

Nepally alpinist 15 günde Ewereste dört gezek çykyp, Ginnesiň rekordlar kitabyna girdi
düýn 00:40
3.1k+

Nepally alpinist 15 günde Ewereste dört gezek çykyp, Ginnesiň rekordlar kitabyna girdi

Nepally şerpa-alpinist 15 günüň dowamynda Ewerest depesine dört gezek çykyp, Ginnesiň rekordlar kitabynyň şahadatnamasyny aldy. 30 ýaşly Taşi Gýalsen 2025-nji ýylyň 9-njy, 14-nji, 19-njy we 23-nji maýynda Jomolungma depesine günorta tarapyndan çykyp, alpinizm taryhyna girdi diýip, «The Himalayan Times» gazeti habar berýär...

Argentinada agramy 720 kilograma ýetýän äpet köke bişirildi
16.02.2026 18:09
6.2k+

Argentinada agramy 720 kilograma ýetýän äpet köke bişirildi

Argentinada 720 kilogram agramly däp bolan äpet alfahor kökesi taýýarlanyldy diýip, «La Capital S.A.» neşiri habar berýär. Konditerleriň kärdeşler arkalaşygy tarapyndan guralan bu çäre Mar-del-Plata şäheriniň esaslandyrylmagynyň 152 ýyllygyna bagyşlandy...