Argentinanyň Prezidenti emeli aňyň kömegi bilen döwlet reformasyny geçirmek isleýär

  • 07.06.2024 11:53
  • 3.6k+

Argentinanyň Prezidenti Hawýer Mileý döwlet dolandyryş ulgamynda özgertmeleri geçirmek üçin emeli aňdan peýdalanmak meýilnamalary barada aýtdy diýip, TASS habar berýär.  

“Biz döwlet özgertmeleriniň indiki tapgyrynyň nähili boljakdygyny çözýäris. Döwlet has netijeli bolmaly. Biz Google-daky adamlar bilen gürleşdik, olaryň emeli aňyň kömegi bilen döwlet reformasyny geçirmek üçin moduly bar” – diýip, Mileý žurnalistlere habar berdi.

Mileýiň geçen hepde ABŞ-a eden sapary Google, Apple, Meta we OpenAI ýaly tehnologiýa ägirtleriniň ýolbaşçylary bilen duşuşyklara bagyşlandy. Mundan başga-da, Prezident Argentina potensial maýa goýumlary maslahatlaşmak üçin emeli aňa ýöriteleşen 30 kompaniýanyň wekilleri bilen birnäçe söhbetdeşlik geçirdi.
Ýatlap geçsek, 2023-nji ýylyň dekabr aýynda Prezident wezipesine girişen Hawýer Mileý ýurduň ykdysadyýetiniň ýagdaýyny kyn diýip atlandyryp, düýpli üýtgetmeleriň zerurdygyny belledi. Ol libertarian garaýyşlaryň tarapdary hökmünde ykdysadyýete döwletiň gatyşygyny azaltmagyň, onuň dollarlaşdyrylmagynyň, inflýasiýa bilen göreşmek üçin Merkezi bankyň ýatyrylmagynyň, şeýle-de ähli döwlet kärhanalarynyň hususylaşdyrmagynyň ugrunda çykyş edýär.


25.11.2025 18:46
12k+

Türkmenistanyň Prezidenti Gazagystanda «Älem.AI» emeli aň merkezine baryp gördi

Prezident Serdar Berdimuhamedow Gazagystana amala aşyrýan döwlet saparyny 25-nji noýabrda günüň ikinji ýarymynda «Älem.AI» halkara emeli aň merkezine baryp görmek bilen jemledi diýip, "Türkmenistan" gazeti habar berýär...

30.10.2025 10:43
4.6k+

Argentinanyň Merkezi banky Maradonanyň geçiren «asyryň goluna» bagyşlap şaýy puluny çykardy

Argentinanyň Merkezi banky «asyryň goluna» – Maradonanyň geçiren meşhur goluna bagyşlanan ýörite şaýy puluny çykardy. Bu şaýy 2026-njy ýylda geçiriljek dünýä çempionatyna gabatlanyp taýýarlanyldy. Şol çempionata Argentina ýaryşyň häzirki çempiony hökmünde gatnaşar...

28.10.2025 19:11
3.8k+

Amazon 600 müň işçini robotlar bilen çalyşmagy meýilleşdirýär

Amazon kompaniýasy 2033-nji ýyla çenli takmynan 600 müň işçini robot ulgamlary bilen çalyşmagy meýilleşdirýär diýip, The New York Times habar berýär. Kompaniýa birnäçe ýyl bäri ammarlarynda awtomatlaşdyrylan tehnologiýalary ulanýar, ýöne indi bu ulgamlaryň ulanylyşyny has giňeltmegi göz öňünde tutulýar...

15.10.2025 11:29
4k+

Emeli aň ABŞ-nyň ykdysadyýetini durgunlykdan halas etdi

2025-nji ýylda ABŞ-nyň ykdysadyýeti, esasan, emeli aň infrastrukturasyna maýa goýumlaryň ýokarlanmagy netijesinde durgunlykdan halas boldy. Derňew hut bu pudagyň Birleşen Ştatlaryň jemi içerki önümi üçin esasy hereketlendirijä öwrülendigini görkezýär...