Florida ştatynyň VebaBaby start-apy, çaga çüýşeleri üçin dünýäde ilkinji akylly datçik bolan Veba-ny hödürledi. Gadjet çagalaryň süýdüniň hiline gözegçilik etmäge kömek edýär we önümiň möhleti gutaranda duýduryş berýär.
Veba-ny döretmek pikiri möhleti gutaran süýt sebäpli çagasy kesellän amerikaly Leýmon Brýustere degişlidir.
Veba içine taýmer, temperatura datçigi we akselerometr gurnalan plastik “şaýbaly” bilezikdir. Bu komponentler enjama süýdüň saklanyş wagtyny, temperaturasyny we çüýşäniň näçe gezek ulanylýandygyny yzarlamaga mümkinçilik berýär.
Veba-ny ulanmak aňsat: çüýşäni silkiň we görkeziji çaga süýdi berip boljakdygyny (ýaşyl) ýa-da bolmajakdygyny (gyzyl) görkezer.
Şeýle hem gadjeti Bluetooth arkaly smartfona birikdirip bolýar. Programmada doldurylan çüýşeleriň hemmesini we saklanyş wagtyny görüp bilersiňiz, şeýle hem ýitirilen çüýşäni gözlemek üçin signaly işjeňleşdirip bilersiňiz – gadjet ses berer, bu bolsa ýitirilen çüýşäni tapmaga mümkinçilik berer.
Veba häzirki wagtda Kickstarter-daky bir taslamadyr, ýöne gerekli serişdeler ýygnalsa, şu tomus köpçülikleýin önümçilige başlar. Bahasy takmynan 100 dollar bolar.
