Serbiýaly Nowak Jokowiç Fransiýanyň tennis boýunça Açyk çempionatynyň (Roland Garros) dördünji tapgyr oýnunda argentinaly Fransisko Çerundolony utdy. Ýaryş Parižde geçirilip, 6:1, 5:7, 3:6, 7:5, 6:3 hasabynda Jokowiçiň peýdasyna tamamlandy diýip, TASS habar berýär. Türgen dörtden bir finalda norwegiýaly Kasper Ruud bilen duşuşar.
Jokowiç “Uly tuwulga” ýaryşlarynyň oýunlarynda 370-nji ýeňşini gazandy we Açyk döwürde (1968-nji ýyldan bäri, şonda ähi oýunçylar, şol sanda höwesjeňler islendik ýaryşa gatnaşmaga hukuk gazandylar) erkekleriň we zenanlaryň arasynda bu görkeziji boýunça rekord eýesi boldy. Öňki rekord şweýsariýaly Rojer Federere degişlidi, onuň hasabynda şeýle ýaryşlarda 369 ýeňişli oýun bar.
Jokowiç 37 ýaşynda bolup, dünýäniň birinji raketkasydyr. Onuň hasabynda Professional tennisçileriň assosiasiýasynyň (ATP) howandarlygynda geçirilen ýaryşlarda 98 ýeňiş, şol sanda “Uly tuwulga” ýaryşlarynda 24 ýeňiş bar. Türgen Olimpiýa oýunlarynyň bürünç baýrakçysy (2008) we Dewisiň Kubogynyň eýesidir (2010).
