Yslam Hyzmatdaşlyk Guramasynyň syýahatçylyk pudagynda başlyklyk etmek nobaty Azerbaýjandan Özbegistana geçdi. Bu barada Özbegistan Respublikasynyň Ekologiýa, daşky gurşaw we howanyň üýtgemegi ministrliginiň ýanyndaky Syýahatçylyk komitetiniň habarynda aýdylýar.
Yslam Hyzmatdaşlyk Guramasyna agza ýurtlaryň syýahatçylyk ministrleriniň Hywada geçirilýän duşuşygynda Özbegistana halkara çäresini geçirmäge taýýarlygy üçin minnetdarlyk bildirildi, aýratynam, ýurtda syýahatçylygy ösdürmek boýunça geçirilýän özgertmelere ýokary baha berildi – diýlip, habarda aýdylýar.
Yslam Hyzmatdaşlyk Guramasyna agza ýurtlaryň syýahatçylyk ministrleriniň XII sessiýasynda Özbegistanyň baştutanlygynda guramanyň ýurtlarynyň arasynda ýaşyl we durnukly syýahatçylyk, akylly syýahatçylyk, syýahatçylyk logistikasy ýaly ugurlarda hyzmatdaşlygy ösdürmäge gönükdirilen möhüm taslamalaryň we başlangyçlaryň üstünlikli durmuşa geçiriljekdigine ynam bildirildi.
