Tatarystan Respublikasynyň Innopolis şäherinde sürüjisiz elektrobus synagdan geçirilip başlandy. Ol Innopolis uniwersiteti bilen Innoparkyň aralygynda 3 km ýol boýunça hereket edip, Popowa adyndaky tehnopark duralgasynda säginer. Elektrobus uniwersitetiň işgärlerini we talyplaryny gatnadar diýip, TASS habar berýär.
Elektrobus 10 adamy sygdyrýar. Howpsuzlyk maksady bilen hereketiň iň ýokary tizligi sagatda 10 km bilen çäklendirildi. Kabinada ýollardaky ýagdaýa gözegçilik edýän operator bolýar.
Elektrobus howpsuz hereketi üpjün etmek üçin lidar, ultrases datçikleri, radar we kameralar ulgamlary bilen enjamlaşdyrylandyr. Synaglaryň maksady dürli howa şertlerinde hiç hili hadysa duçar bolmazdan sürüjisiz režimde 500 km ýol geçmekdir.
Geljekde nawigasiýa ulgamyny döwrebaplaşdyrmak we sürüjisiz ulaglara gözegçilik etmek üçin dispetçer sistemasyny ornaşdyrmak meýilleşdirilýär.
