Saud Arabystanynda nobatdaky adaty bolmadyk taslamanyň durmuşa geçirilişi görkezildi. Er-Riýaddan uzak bolmadyk ýerde "Akwarabiýa" akwaparkynyň gurluşygy ýokary depginlerde alnyp barylýar diýip, New Atlas portaly habar berýär.
Bellenilişi ýaly, bu desga tutuş Ýakyn Gündogarda şuňa meňzeş iň iri desga bolar.
Akwaparkyň umumy meýdany 250 müň inedördül metr. Bu territoriýada 8 sany tematiki zolaklar ýerleşdiriler. Ýiti duýgulary başdan geçirmek isleýänler suw depelerinden düşüp bilerler, rahat dynç alşyň tarapdarlary bolsa daýwing bilen meşgullanyp, ýa-da basseýnde ýüzüp bilerler.
Akwaparkyň esasy aýratynlyklarynyň biri hem sýorfing üçin emeli tolkundyr.
Akwaparkyň gurluşygyny 2025-nji ýylda tamamlamak meýilleşdirilýär.
