Angliýanyň “Liwerpul” futbol kluby niderlandiýaly hünärmen Arne Slotuň toparyň baş tälimçisi wezipesine bellenendigini resmi taýdan yglan etdi. 45 ýaşly tälimçi Angliýada işlemäge ygtyýarnama alandan soň, 2024-nji ýylyň 1-nji iýunynda klub bilen şertnama baglaşar diýip, klub habar berýär.
Slot bu wezipede 2023/24-möwsüminiň ahyrynda topary terk eden Ýurgen Kloppuň ornuna geçer.
Slot “Liwerpula” geçmezden öň 2021-nji ýylyň tomsundan bäri “Feýenoorda” ýolbaşçylyk etdi we topar bilen Niderlandlaryň çempionatynda (2022/23-möwsümi) we ýurduň Kubogynda (2023/24) ýeňiş gazandy, şeýle-de Konferensiýalar ligasynyň finalyna çykdy (2021/22).
Slotuň “Liwerpul” bilen şertnamasy 2027-nji ýyla çenli niýetlenýär. KHBS-iň maglumatlaryna görä, Mersisaýd kluby “Feýenoorda” şertnamany möhletinden ir ýatyrandygy üçin öwezini dolma görnüşinde 13-15 mln ýewro tölär.
Geçen möwsümde “Liwerpul” APL-de üçünji orny eýeledi.
