FIFA-nyň Prezidenti Janni Infantino eminlere wideokömek ulgamyny (VAR) ulanmagyň düzgünlerine giriziljek üýtgeşmeler barada habar berdi. Üýtgeşmelere laýyklykda, tälimçilere oýnuň dowamynda iki gezek jedelli ýagdaýlary gaýtalap görmegi soramaga hukuk berler diýip, Idman.Biz ýazýar.
Infantinonyň bellemegine görä, VAR-yň kameralaryň we eminleriň az sanyny talap edýän kämilleşdirilen tehnologiýasy ulgamy has elýeterli etmäge mümkinçilik berer.
«Tälimçiler iki gezek VAR-a ýüz tutup bilerler. Futbolçylar bu barada tälimçä ýüz tutup bilerler. Eger-de netijede eminiň ilki karary üýtgedilse, onda tälimçiler ýene-de iki gezek ýüz tutmak hukugyny alarlar" - diýip, Infantino Bangkokda FIFA-nyň 74-nji kongresinde aýtdy.
UEFA-nyň düzgünnamasyna laýyklykda, ýurtlar milli ýaryşlarynda VAR-y ulanmalydygy ýa-da ulanmaly däldigi barada özleri karar berýärler.
