Google kompaniýasy Project Gameface-iň deslapky kodunyň döredijiler üçin elýeterlidigini habar berdi. 2023-nji ýylda hödürlenen bu tehnologiýa Android enjamynyň ekranynda kursory ýüzüň mimikasy we kelläniň hereketi bilen dolandyrmaga mümkinçilik berýär diýip, IXBT habar berýär.
Project Gameface bir zady saýlamak üçin gaşlaryňy ýokary galdyrmak ýa-da kursory hereketlendirmek üçin agzyňy açmak ýaly, 50-den gowrak ýüz mimikasyny we kelläniň hereketini tanamak üçin enjamyň içinde oturdylan kamerasyny ulanýar.
Ilkibaşda Project Gameface oýunlara gönükdirilipdi, emma Google onuň bilim, iş, sosial ulgamda özara gepleşmek ýaly, beýleki ugurlarda hem peýdaly boljakdygyny görýär.
Koduň elýeterli bolmagy döredijilere eliňi degirmezden işledilýän programmalary döretmäge mümkinçilik berer we ol maýyplara hasam amatly bolar.
Işläp düzüjiler eýýäm Project Gameface-i öz programmalaryna ornaşdyryp bilerler.
