Teýlor Swiftiň konsert syýahaty aýdym-saz taryhynda iň girdejili bolup biler. The Eras Tour-yň Beýik Britaniýanyň ykdysadyýetini 1 milliard funt sterling ýokarlandyrmagyna garaşylýar diýip, “Business Matters” Barclays-yň çaklamasyna salgylanyp, ýazýar.
Belli ýyldyz Beýik Britaniýanyň syýahatyna indikdi aý başlar - Edinburgda, Liwerpulda, Kardiffde, Dublinde we, elbetde, Londonyň Uembli stadionynda (8 konsert) çykyş eder. Açylyşda Paramore toparynyň çykyş etjekdigi, bellenip geçilýär.
Çaklamalara görä, Swiftiň muşdaklarynyň konsertlere gatnaşmak üçin ortaça 850 funt sterling sarp etmeklerine garaşylýar. Çeşmäniň habaryna görä, 1,1 million tomaşaçynyň her bäşinjisi ýörite konsert üçin täze eşik satyn alýar. Şeýle-de bolsa, çykdajylaryň esasy bölegini petekler, ulag we ýaşamak üçin ýer düzýär.
Barclays-yň baş hünärmeni Piter Bruks, Swiftiň muşdaklarynyň wepalylygyny The Beatles-iň iň gowy ýyllaryndaky janköýerleriniň wepalylygy bilen deňeşdirdi. Ol şeýle diýýär: "Janköýerler her konserti kiçi dynç alşa, bileti - ýatdan çykmajak ýatlama, çäräniň özüni bolsa täze eşikler, iýmit we ýadygärlik sowgatlary satyn almak üçin bahana öwürip, özlerinde galan täsirlere has köp baha berýärler.
Milliard dollarlyk bellikden geçen “The Eras Tour”, Singapuryň JIÖ-sine eýýäm ep-esli derejede täsir edip, ýurduň ykdysadyýetine takmynan 250-300 million dollar girdeji getirendigini ýatladýarys.
