“Tottenhemiň” Angliýanyň premýer-ligasynyň 34-nji tapgyrynyň “Mançester Siti” bilen yza süýşürilen oýnunda utulmagy (0:2) “Aston Willanyň” APL-iň häzirki möwsüminiň jemi boýunça iň gowy toparlaryň dörtlüginde orun almagyny kepillendirdi. Şeýlelikde, Birmingem topary soňky 41 ýylda ilkinji gezek Çempionlar ligasyna gatnaşar.
Ýatlap geçsek, Angliýanyň çempionatynyň 37 tapgyryndan soň “Tottenhem” 63 utuk bilen bäşinji orunda ýerleşýär. “Aston Willa” bolsa şonça oýundan soň 68 utuk gazandy we dördünji orny eýeledi. Angliýanyň çempionatynyň ahyryna çenli bir tapgyr galdy, şonuň üçin “Tottenhemiň” “Aston Willanyň” yzyndan ýetmäge matematiki mümkinçiligi ýok.
Birmingem toparynyň häzirki baş tälimçisi ispaniýaly hünärmen Unai Emeridir. Ol bu topar bilen 2022-nji ýylyň güýzünden bäri işleşýär.
