«Sýogun» ikinji möwsüme uzaldylyp bilner: serialyň esasy aktýory täze şertnama gol çekdi

  • 13.05.2024 11:03
  • 6.9k+

Ýapon kinosynyň ýyldyzy Hiroýuki Sanada "Sýogun" serialyny çykaran FX ýaýlymy bilen täze şertnama gol çekdi. Munuň özi Jeýms Klawelliň adybir romany esasynda düşürilen serialyň ikinji möwsüme uzaldylyp bilinjekdigi barada çaklamaga esas berýär diýip, Deadline habar berýär.

FX muny heniz resmi taýdan tassyklamasa-da, fewral aýynyň ahyrynda çykan birinji möwsümiň üstünlik gazanmagy bu barada gürrüňleri çyna öwrüp biler. Angliýaly Jek Blektornyň (Kosmo Jarwis) XVII asyr feodal Ýaponiýasynda başdan geçirenleri tomaşaçylaryň we tankytçylaryň söýgüsini gazandy. Hiroýuki Sanada hökmürowan lord Toranaganyň keşbini ýerine ýetirdi.
"Sýogun" serialy Hulu akym hyzmatynda tomaşa sany boýunça rekord goýup, uly üstünlik gazandy. Serialy surata düşürmäge Reýçel Kondo we "Oskora" dalaşgär Jastin Marks ("Top Gan: Mewerik") gatnaşdy.


düýn 18:27
1.4k+

“Doga: Soňky dessurlar” iki hepdede 330 mln dollardan gowrak ýygnady

“Doga: Soňky dessurlar” (Заклятие: Последние обряды) elhençlik filminiň kassa ýygymy iki hepde prokatyň dowamynda bütin dünýäde 330 mln dollardan geçdi. Bu barada Variety ýazýar. Ikinji dynç günleriniň jemi boýunça, film ABŞ-da 131 mln dollar ýygnap, kassa ýygymy boýunça ikinji orny eýeledi...

düýn 14:42
1.4k+

Şekspiriň keşbinde Pol Meskalyň oýnamagyndaky film Torontodaky kinofestiwalyň baş baýragyny aldy

Režissýor Hloýa Çžaonyň “Hamnet” dramasy Torontodaky 50-nji halkara kinofestiwalynda baş baýragyň – tomaşaçylaryň baýragynyň eýesi boldy. Bu barada Variety neşiri habar berýär. Film ýazyjy Meggi O’Farrelliň 2020-nji ýylda çykan adybir romanyna esaslanýar...

15.09.2025 16:55
6.8k+

Londonda Jeýms Bonduň jaýy satuwa çykaryldy: bahasy £6,45 mln

Londonda britaniýaly ýazyjy Ýan Flemingiň romanlarynyň gahrymany – meşhur “007 agenti” Jeýms Bond bilen baglanyşykly diýlip hasaplanýan jaý satuwa çykaryldy. Onuň bahasy 6,45 mln funt sterlinge barabar diýip, Mansion Global habar berýär...

15.09.2025 16:19
2.8k+

“Kinostudiýa” serialy 13 “Emmi” baýragyna mynasyp bolup, rekord goýdy

14-nji sentýabrda Los-Anjelesde 77-nji “Emmi” telewizion baýragynyň gowşurylyş darabasy geçirildi. Agşamyň esasy ýeňijisi 13 heýkele mynasyp bolan, şol sanda “Iň gowy komediýa serialy” kategoriýasynda ýeňiş gazanan “Kinostudiýa” serialy boldy diýip, Variety habar berýär...