Jon Peddie Research–iň analitikleriniň berýän maglumatlaryna görä, 2024-nji ýylyň birinji çärýeginde kompýuter prosessorlary bilen üpjünçilik, geçen ýylyň degişli döwri bilen deňeşdirilende, 33% artyp, 62 million birlige ýetdi. Şol bir wagtyň özünde, çärýek boýunça deňeşdirilende 9,4%-e çenli pese gaçma bar diýip, IXBT habar berýär.
Noutbuklara tarap tendensiýa dowam edýär: birinji çärýekde ähli prosessor üpjünçiliginiň 73%-i ykjam enjamlara, 27%-i personal kompýuterlerine degişli boldy. Bir ýyl ozal bu gatnaşyk 68% bilen 32% bolupdy.
Integrirlenen grafikaly (iGPU) prosessorlar agdyklyk edýär: ýyllyk üpjünçilik 30% artyp, 56 million birlige ýetdi. Seljerijiler 2029-njy ýyla çenli iGPU-nyň bazardaky paýynyň 98%-e ýetjekdigini çaklaýarlar.
IGPU segmentinde Intel 82% paý bilen öňde barýar, ýöne ýylyň dowamynda birneme azaldy (85%-den).
