Iňlis jenaplarynyň (jentlmenleriniň) 1831-nji ýylda döredilen meşhur "Garrik" kluby 200 ýyl töweregi taryhynda ilkinji gezek zenanlara gapylaryny açdy diýip, BBC habar berýär.
Birnäçe ýyllap dowam eden çekeleşiklerden we klubuň düzgünlerine üýtgetmeler girizilenden soň, zenanlar ahyrsoňy agza bolmaklyga hukuk aldylar. Bu karar berk däp-dessurlary bilen tanalýan edaranyň taryhynda möhüm ädim bolup, klub agzalarynyň takmynan 60%-i tarapyndan goldanyldy.
XVIII asyryň aktýory Dewid Garrikiň adyny göterýän “Garrik” kluby dünýäniň iň garry hususy klublaryndan biridir. Ol aktýorlara deň şertlerde duşuşmak üçin ýer bermek maksady bilen döredildi.
Onuň agzalarynyň hatarynda Sting, Stiwen Fraý, Benedikt Kamberbetç we hatda patyşa Karl III, şeýle hem kazylar, syýasatçylar, meşhur sazandalar we aktýorlar bar.
