TikTok-yň ýolbaşçylygy we sosial ulgamyň eýesi ByteDance amerikan kazyýetine hytaý kompaniýasyny platformany satmaga ýa-da ony Birleşen Ştatlaryň çäklerinde gadagan etmäge borçlandyrýan kanuny ýatyrmak haýyşy bilen şikaýat arzasyny berdiler.
Degişli resminama Kolumbiýa paýtagt okrugynyň şikaýat kazyýetiniň bazasynda ýerleşdirildi.
Şikaýat arzasynda söz azatlygyny goraýan ABŞ-nyň Konstitusiýasyna ilkinji düzedişleriň amerikan häkimiýetleri tarapyndan bozulýandygy barada aýdylýar. Resminamada bellenilişi ýaly, kanun “2025-nji ýylyň 19-njy ýanwaryna çenli TikTok-yň gadagan edilmegine getirip, platformany aragatnaşyk saklamak üçin ulanýan 170 mln amerikalynyň agzyny ýumdurar”.
TikTok-yň arzasynda täjirçilik, tehniki we hukuk päsgelçilikleri, şeýle-de Pekin tarapyndan närazylyklar görkezilýär. Sosial ulgamyň satuwy, aýratynam, 270 günde, “mümkin däl” diýip, kanunyň ýurduň Konstitusiýasyna laýyk gelýändigini gözden geçirmäge çagyran şikaýatçylar belleýär.
Amerikaly bilermenler bu iş ABŞ-nyň Ýokary kazyýetine baryp ýeter diýip hasaplaýarlar.
