“PSŽ” topy derwezäniň sütünine urmakda Çempionlar ligasynyň üç antirekordyny goýdy

  • 08.05.2024 23:27
  • 9713
“PSŽ” topy derwezäniň sütünine urmakda Çempionlar ligasynyň üç antirekordyny goýdy

“Pari Sen-Žermen” Çempionlar ligasynda möwsümi nobatdaky gezek arzyly kubogy alyp bilmän tamamlady. Bu gezek olar ýarym finalda Dortmundyň “Borussiýasyndan”  iki oýnuň jemi boýunça 0:2 hasap bilen utuldy.

“Park de Prens” stadionynda geçen jogap duşuşygynda gol geçirmäge mümkinçiliginiň köp bolandygyna garamazdan, parižliler olardan ýerlikli peýdalanyp bilmediler, gaýtam ýaryşda birtopar antirekord goýdular diýip, Opta Sport ýazýar.
Derwezäniň sütünine 14 urgy: “PSŽ” Çempionlar ligasynyň taryhynda bir möwsümde derwezäniň kese we dik sütünlerine 14 gezek urgy eden ilkinji topar boldy.
Pleý-off oýnunda 4 urgy: “Borussiýa” bilen ýarym finaldaky jogap oýnunda parižliler garşydaşynyň derwezesiniň berkligini dört gezek barlap gördüler, bu hem Çempionlar ligasynyň pleý-off oýnunda antirekord boldy.
Bir gapma-garşylykda derweze sütünine 6 urgy: “Borussiýa” bilen geçirilen iki ýarym final duşuşygynyň jemi boýunça Luis Enrikeniň topary 6 gezek dik we kese sütünlerine urup, Çempionlar ligasynda iki oýunlyk antirekord goýdy.
Bu antirekordlardan başga-da, “PSŽ” Çempionlar ligasynyň pleý-off oýunlarynda gol geçirmän uran urgularynyň sany boýunça hem "rekord" eýesi boldy: fransuz klubunyň oýunçylary “Borussiýanyň” derwezesine 30 urgy etdi, ýöne hiç birinde hem nyşana dogry çenäp bilmediler.


düýn 12:53
5085

Harri Keýn Ýewropanyň iň köp gol geçiren futbolçysyna berilýän "Altyn butsy" baýragyny aldy

Mýunheniň "Bawariýa" klubunyň hüjümçisi Harri Keýn 2023/2024 möwsümiň jemleri boýunça Ýewropa ligalarynyň iň gowy bombardiri hökmünde "Altyn butsy" baýragyny aldy. 30 ýaşly iňlis futbolçysy Germaniýanyň çempionatynda...

27.05.2024 15:37
3371

Hosep Gwardiola bäşinji gezek APL-iň iň gowy tälimçisi boldy

"Mançester Sitiniň" baş tälimçisi Hosep Gwardiola Angliýanyň Premýer-ligasynyň 2023/24 möwsüminiň jemleri boýunça "Iň gowy tälimçi" baýragyny aldy. Ispaniýaly hünärmen bu abraýly baýraga karýerasynda bäşinji gezek...

27.05.2024 13:56
7195

«Al-Aýn» finalda "Ýokogama F.Marinos" klubuny ýeňip, Aziýanyň Çempionlar ligasyny gazandy

Birleşen Arap Emirlikleriniň “Al-Aýn” topary Aziýanyň Futbol Konferederasiýasynyň Çempionlar ligasynyň çempiony boldy. Topar final duşuşygynda Ýaponiýanyň “Ýokogama F. Marinos” toparyny 5:1 hasabynda utup, Aziýa...

27.05.2024 10:25
6278

Keniýaly ylgawçy Beatris Çebet 10 000 m aralyga ylgamakda dünýä rekordyny täzeledi

Keniýaly zenan ylgawçy Beatris Çebet Ýujinde (ABŞ) geçirilen "Brilliant ligasynyň" tapgyrynda 10 000 metr aralyga ylgamakda täze dünýä rekordyny goýdy diýip, RBK ýazýar. 24 ýaşly türgen 28 minut 54,14 sekunt netije...