Osakada "Expo 2025" sergisinde Türkmenistanyň pawilýonynyň dizaýny görkezildi

  • 08.05.2024 15:53
  • 10k+

Ýaponiýanyň Osaka şäherinde geçiriljek EKSPO-2025 Bütindünýä sergisiniň guramaçylyk komiteti Türkmenistanyň pawilýonynyň daşky dizaýnyny we “Gowy geljege ylham bermek” atly mowzugyny hödürledi.

Türkmenistanyň pawilýonynyň daşky dizaýnynda milli bezegler, ýagtylyk panelleri we Beýik Ýüpek ýoluna degişli şekiller ulanyp, ol eko-görnüşde gurnaldy.
Bu ýerde myhmanlar Türkmenistanyň medeniýeti, taryhy we durnukly ykdysady ösüşi bilen tanşyp bilerler. Türkmenistanyň milli pawilýonynyň taslamasynyň durmuşa geçirilmegi ýurduň “Belli” hojalyk jemgyýetine ynanyldy.
Habarda bellenilişi ýaly, bu Türkmenistanyň pawilýonynyň daşky dizaýnynyň gutarnykly görnüşi bolman, eýsem, taslamasynyň üstünde ýene-de işleniler. Türkmenistanyň Milli gününi 2025-nji ýylyň 14-nji aprelinde, ýagny serginiň açylyş gününden bir gün soň geçirmek meýilleşdirilýär.
EKSPO-2025 Bütindünýä sergisi Ýaponiýanyň Osaka şäherinde 2025-nji ýylyň 13-nji apreli — 13-nji oktýabry aralygynda “Biz ýaşaýşymyz üçin geljegiň jemgyýetini döredýäris” şygary bilen geçiriler.


şu gün 12:46
4.8k+

Dünýäde 100 ýaşa ýeten her 6-njy adam Ýaponiýada ýaşaýar: bu ýerde olaryň sany tas 100 müň

Ýaponiýada 100 we ondan uly ýaşly adamlaryň sany 100 müňe golaýlady. Bu barada Ýaponiýanyň Saglygy goraýyş ministrliginiň maglumatlaryna salgylanyp, NHK teleradiokompaniýasy habar berdi. Soňky bir ýylda ýüz ýaşly ýaponiýalylaryň sany 4644 adam artdy, bu hem soňky 55 ýylda iň ýokary artyş boldy...

şu gün 11:43
1.6k+

Aşgabatda "Zümerret zergärçilik önümleri" binasynda abatlaýyş işleri geçiriler

Türkmenistanyň Merkezi banky «Zümerret zergärçilik önümleri» zergärçilik dükanynyň binasynda abatlaýyş işlerini geçirmek boýunça bäsleşik yglan etdi. Bu bina Aşgabat şäherinde Bitarap Türkmenistan şaýolunyň ugrunda ýerleşýär...

şu gün 08:58
4.6k+

Az-kem ýagyş ýagar: Türkmenistanda hepdelik howa maglumaty (15.09 - 21.09)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az-kem bulutly, hepdäniň başynda üýtgäp durýan bulutly howa bolup, az-kem ýagyş ýagar...

düýn 23:57
8.4k+

Aşgabatda döwrebaplaşdyrylan «Türkmenistanyň Garaşsyzlygynyň XV ýyllygy» seýilgähi açyldy

13-nji sentýabrda Aşgabatda döwrebaplaşdyrylan «Türkmenistanyň Garaşsyzlygynyň XV ýyllygy» seýilgähiniň açylyş dabarasy boldy. Bu döwrebap seýilgäh özüniň binagärlik çözgüdi bilen paýtagtymyzyň durmuş maksatly desgalary bilen bir bitewi sazlaşygy emele getirdi...