Ýylyň iň şowsuz 3 blokbasteri mälim edildi: ýitgiler - 535 million dollar

  • 07.05.2024 12:11
  • 11k+

Super gahrymançylykly “Kapitan Marwel 2” we “Flash” blokbasterleri, şeýle hem Indiana Jons hakyndaky franşizanyň soňky bölümi 2023-nji ýylyň iň şowsuz blokbasterleri diýlip yglan edildi. Olar kassa ýygymynda hem studiýalaryna ýüzlerçe million dollar ýitgi çekdirdi diýip, Deadline-na salgylanýan RG.ru ýazýar.

Býujeti 270 million dollar (umumy çykdajysy 455 million dollar) bolan “Kapitan Marwel 2” bary-ýogy 218 million dollar girdeji gazandy we Disneý-e 237 million dollar ýitgi çekdirdi. Film ilkibaşdan tomaşaçylary gyzykdyryp bilmedi. Tankytçylaryň synlary dürli-dürli boldy we döredijiler şowsuzlygyň sebäbini aktýorlaryň iş taşlaýyşlaryndan gözlediler.
Býujeti 200 million dollar (umumy çykdajysy 405 million dollar) bolan “Fleş” bary-ýogy 250 million dollar gazanyp, Warner Bros. Discovery -niň çeken ýitgisi 155 million dollar. Köp sanly dawa-jenjeliň gahrymanyna öwrülen baş keşbi janlandyran  aktýor Ezra Milleriň negatiw keşbi filmi ýürekgysgynç edip, tomaşaçylary özünden daşlaşdyrdy.
Paramount Pictures-iň uly umyt baglan Indiana Jons hakyndaky jemleýji  filmi hem garaşylýan netijäni bermedi. 220 million dollar býujet bilen (umumy çykdajylary 516 million dollar) 277 million dollar gazandy, studiýa bolsa 143 million dollar ýitirdi.


09.07.2025 19:53
3.9k+

“Dýunanyň” üçünji bölümi düşürilip başlandy. Filmiň resmi ady yglan edildi

Legendary studiýasy “Dýunanyň” üçünji bölüminiň düşürilip başlanandygyny habar berdi. Deni Wilnýowyň ylmy-fantastiki wakasynyň üçünji filmi “Dýuna: Üçünji bölüm” (Dune: Part Three) adyny aldy. Taslama bu at bilen kino auditoriýasy barada maglumatlary ýygnamak we seljermek bilen meşgullanýan Rentrak analitiki kompaniýasynyň bazasynda peýda boldy...

09.07.2025 19:37
1.3k+

“Garfild kinoda” multfilminiň dowamy çykar

Sony Pictures we Alcon Entertainment kompaniýalary “Garfild kinoda” multfilminiň dowamyny taýýarlamak işleriniň başlanandygyny habar berdi. Gürleýän pişige ýene-de Kris Pratt ses berer. Multfilmiň dowamyny düşürmek işleri birinji bölüm çykandan bir ýyldan gowrak wagt soň tassyklandy...

09.07.2025 14:16
3.2k+

Trump Media kompaniýasy Netflix-iň bäsdeşi boljak Truth+ akym hyzmatyny işe girizdi

Trump Media kompaniýasy özüniň Truth+ akym hyzmatynyň dünýä derejesinde işe başlandygyny habar berdi. Häzirki wagtda platformadaky göni ýaýlymlar we wideo mazmun mugt elýeterlidir. Abuna ýazylmak barada maglumat ýok diýip, Reuters ýazýar...

09.07.2025 12:26
1.9k+

“Aždarhany nädip eldekileşdirmeli” filmi 15-nji iýulda Internetde çykar

“Aždarhany nädip eldekileşdirmeli” (Как приручить дракона) filminiň remeýkiniň sanly görnüşi 15-nji iýulda Internetde çykar diýip, When to Stream neşiri ýazýar. Onlaýn görnüşdäki premýerasy film kinoteatrlarda görkezilenden bir aý soň bolar...