Iň täze Land Cruiser 250 özgerdilenden soň iki adamlyk ýatalga aldy

  • 23.04.2024 11:27
  • 25k+

IXBT-niň habar bermegine görä, Ýaponiýada täze Land Cruiser 250-niň (şol bir Land Cruiser Prado 250) satuwy başlandy we olar bilen birlikde Ýaponiýanyň Jaos, Modellista we Toy Factory atelýeleriniň özgerden ilkinji toplumlary hödürlenýär.

Tebigatda dynç almagy halaýanlar üçin Toy Factory kompaniýasy wnedorožnigiň ýükdanynda iki adamlyk ýatalgany ýerleşdirmäge mümkinçilik berýän toplumy taýýarlady. Agaç karkasdan we dört ýassykdan ybarat toplumyň bahasy 1980 dollar. Ähli bölekler ýükdana sygýar, olardan islendik wagt aňsatlyk bilen ýatmaga ýer salyp bolýar.
Jaos öňdäki bamperiň demir plastinkaly we gurnalan yşyklandyryşly gorag toplumyny (700 $) hödürledi. Mundan başga-da, kapotyň astyndaky düýbi goramak üçin poslamaýan polatdan plastinany satyn alyp bilersiňiz ($ 250).

Şeýle-de, Jaos-yň özgertme toplumyna şu aşakdakylar girýär:

  • • Tigir arkalaryny giňeldijiler (600 $)
  • • Gara gapdal aýakgoýarlar (855 $)
  • • Enkei-niň öndüren 18 dýuýmlyk Jaos Tribe Cross garyndy tigirleri
  • • Yokohama Open Country palçyk şinalary
  • • Palçykdan goraýjylaryň toplumy ($ 230)

Modellista has üýtgeşik özgertme görnüşini hödürleýär, oňa şu aşakdakylar girýär:

  • • Goşmaça yşyk (500 $)
  • • Krylolary giňeldijiler (855 $)
  • • Gapdal moldingler
  • • Defender stilinde "žabralar"
  • • Wnedorožnigiň şinalary bilen örtülen 20 dýuýmlyk garyndy tigirleriň toplumy (3115 dollar)
  • • Yzky uly spoýler (390 $)
  • • Yzky gapydaky gara gorag bezegi

Şeýle hem, Toyota Land Cruiser 250 üçin sowadyjy, üçek tekjesi (1210 dollar), çüýşe saklaýjy we hapa üçin sebet ýaly markaly esbaplary hödürleýär.


düýn 14:31
3.4k+

Toyota kompaniýasy Prius modeliniň ýörite görnüşini çykardy

Toyota kompaniýasy Night Shade (“Gijeki kölege”) ady bilen Prius gibridiniň ýörite görnüşini çykardy. Awtomobil bamperlerinde gara goşundylara, gara gapy tutarlaryna, alýumin disklere we garaldylan nyşanlara eýe boldy...

30.06.2025 19:19
5.8k+

Toyota RAV4 dünýäde iň köp satylan awtomobil boldy

Toyota RAV4 ýapon krossoweri 2024-nji ýylda dünýäde iň köp satylan awtomobil boldy. Ol birinji orundan geçen ýylky lider Tesla Mode Y-ny gysyp çykardy. JATO Dynamics analitiki kompaniýasynyň maglumatlaryna görä, dünýäde iki modeliň arasyndaky satuw tapawudy 2 müň awtomobilden gowrak boldy...

27.06.2025 11:37
6.4k+

Toyota Land Cruiser Prado-nyň täze gibrid wersiýasyny çykardy: hem tokda, hem dizelde

Toyota kompaniýasy Land Cruiser Prado ulagynyň gibrid wersiýasyny tanyşdyrdy. Bu ulag modeliň Ýewropa bazary üçin niýetlenilen elektrikleşdirilen ilkinji görnüşidir. Täze 48-woltlyk gibrid ulgam, häzirki wagtda adaty Prado modellerinde ulanylýan 2,8 litrlik dizel hereketlendirijiniň binýadynda döredildi...

26.06.2025 14:44
12k+

Toyota Land Cruiser Prado wnedorožnigi furgona öwrüldi

Toyota-nyň Britaniýadaky bölümi Land Cruiser wnedorožniginiň (beýleki sebitlerde Land Cruiser 250 ýa-da Land Cruiser Prado diýlip atlandyrylýan model şu ýerde şeýle at bilen satylýar) täze wersiýasyny hödürledi...