“Galkan” kluby hokkeý boýunça halkara ýaryşyň finalyna çykdy

  • 19.04.2024 11:51
  • 7.9k+

Türkmenistanyň “Galkan” klubunyň hokkeýçileri şu günler Aşgabatda geçirilýän halkara hokkeý ýaryşynda “A” toparçada möhletinden ir ýeňiş gazanyp, ýaryşyň finalyna çykdylar. Toparlaýyn tapgyryň jemleýji oýnunda Andreý Makarow bilen Meýlis Kulyýewiň topary Özbegistandan “Feniks” toparyny 9:1 hasabynda utdy.

“Galkan” duşuşygyň ilkinji minutlaryndan garşydaş toparyň derwezesine garşy aýgytly hüjüme geçdi. 7-nji minutda Perhat Atekaýew hasaby açdy, soň ol ýene dört şaýbany geçirip, penta-trigiň awtory boldy.
“Galkan” yzygider dördünji ýeňşini gazanyp, 12 utuk gazandy we topardaky garşydaşlar üçin yzyndan ýetmezek boldy. “Galkanyň” finaldaky garşydaşy 19-njy aprelde belli bolar.
“A” toparçanyň beýleki bir oýnunda “Ice Box” eýran topary 6:0 hasabynda “Oman Nationals-dan” üstün çykdy. Şu ýeňişden soň eýranly hokkeýçiler utuk boýunça “Feniks” (hersi 6) bilen deňleşip, ikinji orna we bürünç medal üçin oýna dalaşgär boldular.
“B” toparçada Tatarstandan “ADIHIC-Kazan” “Volat” belarus toparyny 6:3 hasabynda utup, toparçada birinji orny eýeledi. Gyrgyzystandan “Dordoi” bolsa Türkiýäniň “Team-Turkiye” toparyny 4:2 hasabynda utup, ýaryşda ilkinji ýeňşini gazandy.
19-njy aprelde geçiriljek duşuşyklaryň netijesinde finalda we 3-nji ýer ugrundaky oýunda duşuşjak toparlar kesgitlener.


28.11.2025 23:57
4.9k+

Türkmen agyr atletikaçylary Tähranda Fajr Cup ýaryşynda 8 altyn medal gazandylar

2025-nji ýylyň 26-30-njy noýabry aralygynda Eýranyň paýtagty Tähranda halkara agyr atletika ýaryşy geçirilýär, bu ýerde Türkmenistanyň milli ýygyndysy üstünlikli gatnaşýar. Türkmen türgenleri eýýäm 12 medal gazandylar, şol sanda 8 altyn we 4 bürünç medal...

26.11.2025 10:39
4.6k+

9 altyn, 6 kümüş we 3 bürünç: Türkmen karateçileri Daşkentde geçirilen Aziýa çempionatynda üstünlikli çykyş etdiler

Türkmenistanyň milli ýygyndysy adaty karate boýunça Aziýanyň çempionatynda üstünlikli çykyş etdi. Ýaryş 2025-nji ýylyň 15–25-nji noýabry aralygynda Özbegistanyň paýtagty Daşkentde geçirildi. Türkmen türgenleri jemi 18 medala: 9 altyn, 6 kümüş we 3 bürünç medala mynasyp boldular...

25.11.2025 17:28
4.5k+

Türkmen tennisçileri Dewisiň Kubogy ugrundaky zolaklaýyn ýaryşyň ähli duşuşyklarynda ýeňiş gazandylar

Türkmen tennisçileri Dewisiň Kubogy ugrundaky zolaklaýyn ýaryşynda aýdyň üstünlik gazanyp, 2026-njy ýylda Aziýa we Okeaniýa zolaklarynyň IV toparynda çykyş etmäge hukuk gazandylar. Bu ajaýyp waka Isa-Taun şäherindäki...

25.11.2025 17:08
8.3k+

Türkmenistanly karateçi Ýaponiýanyň Maebasi şäherinde dünýä çempionatynda çykyş eder

Türkmenistanyň Kiokuşinkaý karate boýunça milli ýygyndysynyň agzasy Meýlis Paşagulyýew "The World Weight Kyokushin Karate Tournament – Japan 2025" dünýä çempionatyna gatnaşmak üçin Ýaponiýanyň Maebasi şäherine ugrady...