Braziliýaly Aleks Pereýra amerikaly Jamal Hilli birinji raundda nokauta gidirip, ýarym agyr agramda UFC-niň çempiony titulyny saklady. Söweş Paradaýs şäherinde geçirilen ýubileý UFC 300 ýaryşynda agşamyň esasy wakasy boldy.
Pereýra güýçli urgy bilen Hilli kanwasa gidirdi. Emin nokauty hasaba aldy.
Söweşden soň UFC-niň prezidenti Dana Uaýt braziliýaly söweşijiniň ýaryşdan iki hepde öň alan aýak şikesi bilen söweşendigini habar berdi. Pereýranyň külbike barmagy döwüldi.
Bu ýeňiş 36 ýaşly Pereýra üçin professional karýerasynda onunjy boldy. Ol 2022-nji ýylyň ahyrynda Israel Adesanýadan bäşinji raundda nokaut arkaly guşagy alyp, orta agramda çempion boldy, ýöne indiki söweşinde Pereýra rewanşda guşagyny ýitirdi. Şondan soň braziliýaly ýarym agyr agrama geçdi we onda çehiýaly Irži Prohazka bilen söweşde UFC-niň erkin çempion titulyny gazandy (ikinji raundda nokaut arkaly ýeňiş).
