“Türkmenistan” awiakompaniýasy dalaşgärleri öňünden seçip almak arkaly uçarman käri boýunça Türkiýe Respublikasynyň “Awiasiýa Birleşiginiň uniwersitetine kabul edişligi yglan etdi.
Okuwlar awiakompaniýanyň hasabyna alnyp barylýar (ylalaşyk esasynda) we okuwyň möhleti - 4 ýyl.
Resmi iş kagyzlary Aşgabat şäherinde 2024-nji ýylyň 1-31-nji maýy aralygynda kabul edilýär.
Okuwa Türkmenistanyň raýatlylygy bolan saglyk ýagdaýy «Türkmenhowaýollary» agentliginiň Lukmançylyk merkeziniň talaplaryna gabat gelýän, umumy orta bilimli, ýaşy 25-den geçmedik oglanlar (harby şahadatnamasy bolan) giriş synaglarynyň netijeleri boýunça bäsleşik esasynda kabul edilýär.
Okuw “Türkmenistan” awiakompaniýasy” açyk görnüşli paýdarlar jemgyýetiniň ilkibaşlangyç söhbetdeşliginden, Türkiýe Respublikasynyň “Awiasiýa Birleşiginiň uniwersitetiniň wekilleriniň söhbetdeşliginden (synag) we Türkiýe Respublikasynyň Ankara şäherindäki lukmançylyk toparlarynyň barlaglaryndan soň başlanýar.
Giriş synaglary iňlis dili (gürlemek, ýazmak, okamak), matematika we fizika (şahadatnamalar makullanýar) derslerinden geçirilýär. Beýleki daşary ýurt dil bilimi makullanýar.
Giriş synaglary 2024-nji ýylyň 1-30-njy iýuny aralygynda Aşgabat şäherinde “Türkmenhowaýollary” agentliginiň Howa ulaglarynyň işgärlerini taýýarlaýan mekdebinde geçirilýär.
Resmi iş kagyzlarynyň doly sanawyny şu salgydan alyp bilersiňiz.
Resminamalar Aşgabat ş., A.Annaýew köçesi, “Türkmenistan” awiakompaniýasy” açyk görnüşli paýdarlar jemgyýeti salgy boýunça kabul edilýär.
Telefon belgisi: 23-47-88.
