Samsung flagman smartfony bolan Galaxy S24 Ultra-nyň kamerasy üçin üçünji täzelenmäni taýýarlaýar. Bu barada abraýly insaýder Ice Universe habar berdi.
Täzelenme telefonyň kamerasynyň hilini ýokarlandyrar, ak reňkiň deňagramlylygyny has takyklaşdyrar we käwagt suratlarda görünýän adaty bolmadyk gyzyl reňkiň mukdaryny azaldar.
Üçünji täzelenmäniň goýberiljek senesi entek belli däl, ýöne Sammobile çeşmesi onuň maý ýa-da iýun aýlarynda çykjakdygyny çaklaýar.
Galaxy S24 Ultra-nyň ozalky esasy kamera täzelenmesi ak reňkiň deňagramlylygyny we täsir ediş meselelerini, şeýle hem Expert RAW programmasynda ýagtylygyň pes şertlerinde suratyň hilini we reňk takyklygyny gowulandyrdy.
Üçünji täzelenmäniň smartfonyň kamerasyna surata düşürmegiň täze AstroPortrait režimini goşmagy ähtimal.
Ice Universe – Samsung-yň täze önümleri barada ygtybarly maglumatlary birnäçe gezek neşir eden meşhur insaýder. Ol şarlawuk ekranly smartfonlaryň trendi, iPhone X -daky çýolka, iPhone 14-iň täze dizaýny we Samsung-yň 200 megapiksel şekil datçigi barada ilkinji bolup habar berdi.
