Bütindünýä saglyk gününiň öňüsyrasynda Birleşen Arap Emirlikleriniň Wise-prezidenti, Ministrler Kabinetiniň Başlygynyň orunbasary, BAE-niň Prezidentiniň Iş Dolandyryş ministri, Onuň Alyhezreti Şeýh Mansur ben Zaýed Al Nahaýan Türkmenistanyň Prezidenti Serdar Berdimuhamedowa BAE-niň «Team Emirates» atly ussat welosipedçiler toparynyň welosipedini sowgat hökmünde ýollady. Bu barada Birleşen Arap Emirlikleriniň Aşgabatdaky ilçihanasy habar berdi.
"Team Emirates" - BAE wekilçilik edýän UCI dünýä turynyň belli topary. Ol 2005-nji ýyldan başlap halkara ýaryşlarynda çykyş edip gelýär.
UCI-niň halkara tury ýanwardan oktýabr aralygynda dowam edýär. Onda dünýäniň iň ökde welosipedçileri çykyş edýär.
