Biologlar käbir ýerde-suwda ýaşaýan jandarlaryň göreçleriniň şekilinde bilesigelijilik döredýän gyşarma üns berdiler. Alymlar gözlegiň dowamynda 3 200 görnüşiň suratyny gözden geçirmek bilen, bu toparda görejiň esasy ýedi şekiliniň bardygyny kesgitlediler. Olaryň arasynda ýüregiň şekili hem bar diýip, NV neşiri ýazýar.
Palçykda ýaşamaga gowy uýgunlaşan sary garynly gurbagalar (Bombina sp.) şeýle aýratynlyga eýedir. Bu ýerde-suwda ýaşaýanlaryň üsti goňur, asty açyk sarydyr. Gyşda olar uka gidýärler we ýaz möwsüminde bolsa jübütleşmek üçin oýanýarlar. Belki, bu döwürde işjeňleşen mahallarynda olaryň göreçleriniň ýürek şekiline geçýän bolmagy mümkin.
Adatça, süýdemdirijileriň göreçleriniň şekili olaryň gündelik işjeňligine we iýmitlenişine baglydyr. Ot iýýän haýwanlaryň göreji, köplenç, kese, gündiz gezýän ýyrtyjylaryňky tegelek, gije gezýän we aritmiki ýyrtyjylaryňky bolsa dik yşgalaňly bolýar. Şeýle-de bolsa, bu kanunalaýyklyklar guýruksyz ýerde-suwda ýaşaýanlara degişli däldir. Suwda ýaşaýan guýruksyzlar, köplenç, tegelek göreçli bolýar.
Alymlar: "Amfibiýalarda göreçleriň ösüşiniň beýleki bolup biläýjek faktorlaryny öwrenmek zerurdyr" diýýärler. Gurlawuklaryň göreçleriniň näme sebäpden ýürek şekilli bolýandygyny olar entek bilenoklar.
