Braziliýanyň “Flamengo” kluby futbol taryhynda 13 000 gol geçiren ilkinji klub bolup, özboluşly rekord goýdy. Ýubileý goly Braziliýanyň çempionatynyň “Nowa Iguaku” toparyna garşy oýunda geçirildi. Oýun 3:0 hasabynda tamamlandy diýip, “Westi” habar berýär.
“Flamengonyň” düzüminde Pedro iki gol bilen tapawutlandy, ýene bir gol “Nowa Iguakunyň” oýunçysy Ronald tarapyndan öz derwezesine geçirildi. Pedronyň hut ikinji goly “Flamengonyň” taryhynda 13 müňünji boldy.
Bellemeli ýeri, Pedro iki golunyň aralygynda ýene bir gol geçirdi, ýöne VAR ony hasap etmedi. Şeýle-de bolsa, alty minutdan futbolçy ikinji goluny geçirip, öz adyny klubuň we dünýä futbolynyň taryhyna ýazdy.
“Ony, taryhdaky 13 müňünji goly aljak bolmagyň peýdasy ýok. “Flamengo” dünýäde bu bellige ýeten ilkinji klub!” diýlip, klubuň sosial ulgamlarynda ýerleşdirilen habarda aýdylýar.
