Blokçeýnler üçin programma üpjünçiligini işläp taýýarlaýan we MetaMask kripto gapjygyny döreden ConsenSys kompaniýasy spot Ethereum-ETF-leriň ykrar edilmek mümkinçiligine seretmek baradaky haýyş bilen ABŞ-nyň Gymmatly kagyzlar we biržalar boýunça komissiýasyna (SEC) hat ýollady diýip, forklog habar berýär.
Bu hatda kapitalizasiýasy boýunça ikinji uly kriptowalýuta bolan Ethereum-yň PoS algoritminiň bardygy sebäpli, bitkoin bilen deňeşdirilende, howpsuzlyk derejesiniň has ýokarydygy aýdylýar.
Kompaniýa Ethereum-yň artykmaçlyklaryny paýlanan werifikasiýa prosesinde, kezzaplyga we manipulýasiýa garşy guralan mehanizmlerde we hüjümiň ýokary bahasynda görýär. Şeýle hem, ConsenSys Ethereum-y, Bitcoin-a garanda, ekologiýa taýdan has arassa diýip belledi.
Hatda: "Biz SEC-i Ethereum-yň öňdebaryjy howpsuzlygyny ykrar etmäge çagyrýarys, ol diňe bir SEC tarapyndan öň tassyklanan howpsuzlyga we durnuklylyga laýyk gelmek bilen çäklenmän, eýsem bitkoin ETF-leriniňkiden hem ýokarydyr" – diýip nygtalýar.
Owal Grayscale we Coinbase SEC bilen ETHE-ni Ethereum ETF-e öwürmek meselesini ara alyp maslahatlaşypdy. Şeýle hem ETF-leri işe girizmek ýaryşyna Franklin Templeton, VanEck, BlackRock, Galaxy bilen Fidelity we Invesco gatnaşýar.
ABŞ-nyň senatorlarynyň ozal SEC-den bu gurallaryň “ägirt uly töwekgelçilikleriniň” bardygyny görkezip, täze kriptowalýuta birža gaznalarynyň tassyklanmagynyň öňüni almagyny haýyş edendigini bellemelidiris.
