“Formula-1-e” eýeçilik edýän Liberty Media kompaniýasy MotoGP we superbaýk boýunça dünýä çempionaty üçin hukuklary bolan Dorna Sports kompaniýasyny satyn almakçy bolýar. Bu barada näbelli çeşmelere salgylanyp, The Financial Times habar berýär diýip, championat.com belleýär.
Bu iki kompaniýanyň arasynda ylalaşygyň gazanylandygy baradaky gürrüňler birnäçe hepde öň peýda boldy. Çeşmeleriň maglumatlaryna görä, şertnama barada Katarda 10-njy martda başlan MotoGP-niň täze möwsümi başlamazdan öň yglan etmek meýilleşdirilipdi.
Şertnama gatnaşyjylaryň Ýewropadaky antimonopoliýa kanunlary bilen bagly seresaplylyk sebäpli köpçülikleýin yglan etmegi soňa süýşürmek kararyna gelendigi çaklanylýar. Bu barada aýtmak mümkinçiliginiň indiki senesi 14-nji apreldir. Şonda Ostin şäherinde (ABŞ) MotoGP tapgyry geçiriler.
