Metacritic syn beriş saýty 2023-nji ýylyň iň gowy oýun çykaryjylarynyň sanawyny hödürledi. Wideo oýunlary çykaryjylaryň arasynda lider Ýaponiýanyň Capcom kompaniýasy boldy.
Kompaniýa öz oýunlarynyň ýokary baha almagy, şol sanda üstünlikli remeýkleriň, remasterleriň we geçen ýyl çykan Resident Evil 4, Street Fighter 6 we Ghost Trick: Phantom Detective ýaly täze relizleriň netijesinde birinji orny eýeledi.
Toplumlaýyn bal sistemasyna esaslanan reýting ortaça bahany, oňyn we oňyn däl seslenmeleri alan oýunlaryň göterimini, şeýle-de ýokary baha alan oýunlaryň sanyny göz öňünde tutdy. Netijede, Capcom kompaniýasy Raw Fury (2) we Chorus Worldwide (3) ýaly bäsdeşlerden öňe geçdi. Şol bir wagtyň özünde geçen ýylky lider Sony 13-nji orna düşdi, göni bäsdeşi Microsoft bolsa 15-nji orny eýeledi.
Şeýle-de, ilkinji onluga Dangen Entertainment (4), Annapurna Interactive (5), Nintendo (6), Aksys Games (7), Bethesda Softworks (8), Sega (9) we Thunderful (10) girdi.
2023-nji ýylyň jemi boýunça düzülen reýting hasap boýunça 14-ünji reýtingdir. Sanawa jemi 46 oýun çykaryjy goşuldy, iň pes bahany Perpetual (Perp Games) aldy.
