"Al-Hilýal" AFK-nyň Çempionlar ligasynyň 1/4 finalynda "Al-Ittihady" utup, ýeňişli tapgyry boýunça dünýä rekordyny goýdy

  • 13.03.2024 12:33
  • 9.4k+
"Al-Hilýal" AFK-nyň Çempionlar ligasynyň 1/4 finalynda "Al-Ittihady" utup, ýeňişli tapgyry boýunça dünýä rekordyny goýdy

AFK-nyň Çempionlar ligasynyň dörtden bir finalynyň jogap oýnunda Er-Riýaddan "Al-Hilýal" futbol kluby Jiddadan "Al-Ittihady" (ikisi-de Saud Arabystany) 2:0 hasabynda utdy.

Ýeňiş "Al-Hilýala" yzygider 28-nji oýny utmak bilen, ýeňişli tapgyrynyň dowamlylygy boýunça täze dünýä rekordyny goýmaga mümkinçilik berdi.
Belläp geçsek, "Al-Ittihad" esasy ýyldyzlary bolan Karim Benzema bilen Ngolo Kante bolmazdan oýnady.
Ýeňijileriň düzüminde birinji goly 61-nji minutda Ýasser al-Şahrani girizdi. Gutarnykly hasaby oýnuň ikinji ýarymyna goşulan bäşinji minutda braziliýaly Malkom goýdy.
Toparlaryň arasyndaky birinji duşuşyk hem "Al-Hilýalyň" peýdasyna 2:0 hasabynda tamamlanypdy.
Saud Arabystanyndan klub 2016/17 möwsüminde yzygider 27 resmi oýunda ýeňiş gazanan Uelsden "Nýu-Seýntsiň" rekordyny täzeledi.
AFK-nyň Çempionlar ligasynyň ýarym finalynda "Al-Hilýal" BAE-den "Al-Aýn" topary bilen oýnar. Bu topar Kriştianu Ronalduly "Al-Nasr" saud klubundan üstün çykypdy.

Meksika KONKAKAF Kubogynyň finalynda ABŞ-ny utdy
düýn 18:12
5.2k+

Meksika KONKAKAF Kubogynyň finalynda ABŞ-ny utdy

ABŞ-nyň milli ýygyndysy Demirgazyk we Merkezi Amerikanyň we Karib basseýniniň ýurtlarynyň futbol konfederasiýasynyň (KONKAKAF) Altyn kubogynyň finalynda Meksikadan 1:2 hasabynda utuldy. Oýun Tehas ştatynyň Hýuston şäherinde geçirildi...

Messi we adidas täze Superstar krossowkasyny çykardy
düýn 10:47
2.5k+

Messi we adidas täze Superstar krossowkasyny çykardy

Futbolçy Lionel Messi adidas brendi bilen täze hyzmatdaşlygyny – iki reňkde Superstar krossowkasyny hödürledi. Bu barada Hypebeast neşiri habar berýär. Modelleriň biri Messiniň 2023-nji ýyldan bäri çykyş edýän “Inter Maýami” klubundan ylham alýar...

UEFA “Çelsä” €31 mln, “Barselona” €15 mln jerime saldy
06.07.2025 20:11
10k+

UEFA “Çelsä” €31 mln, “Barselona” €15 mln jerime saldy

Ýewropanyň Futbol Assosiasiýalarynyň Birleşigi (UEFA) “Çelsä”, “Barselona” we ýene on kluba maliýe fair play düzgünlerini berjaý etmändigi üçin jerime saldy. Bu barada guramanyň saýtynda habar berilýär. Klublaryň maliýe gözegçilik edarasynyň (CFCB) birinji palatasy London klubuna 31 mln ýewro, katalon klubuna bolsa 15 mln ýewro jerime saldy...

Klublaýyn dünýä çempionaty: “PSŽ” dokuz bolup “Bawariýany” utdy, “Real” “Borussiýadan” üstün çykdy
06.07.2025 11:52
9.1k+

Klublaýyn dünýä çempionaty: “PSŽ” dokuz bolup “Bawariýany” utdy, “Real” “Borussiýadan” üstün çykdy

“Pari Sen-Žermen” fransuz klubunyň futbolçylary Klublaýyn dünýä çempionatynyň dörtden bir finalynda Mýunheniň “Bawariýasyny” utdy. Atlantadaky duşuşyk parižlileriň peýdasyna 2:0 hasabynda tamamlandy. Oýnuň 78-nji minutynda Dezire Due hasaby açdy...