BMG-niň Baş sekretary Antoniu Guterriş dünýädäki ähli musulmanlary mukaddes Remezan aýynyň başlanmagy bilen gutlady. Guramanyň saýtynda ýerleşdirilen hatda ol Remezan aýynyň parahatçylyk, durnuklylyk we sahylyk gymmatlyklaryny özünde jemleýändigini belledi.
Bu pikirlenmegiň we dileg etmegiň wagty, bilelikde jemlenip, birek-biregi goldamagyň wagtydyr. Gynansak-da, köp musulmanlar Remezany dawa-jenjeller, mejbury göçmeler we gorky şertlerinde bellär diýip, BMG-niň Baş sekretary belledi.
“Ilki bilen men Gazada bolup geçýän elhençlikden ejir çekýänleriň ählisine goldaw we raýdaşlyk bildirmek isleýärin. Bu kyn günlerde Remezanyň ruhy umyt şamçyragy we biziň adamdygymyzy ýatladyjydyr” diýip, Antoniu Guterriş aýtdy.
Ol adamlary agzalalygy ýeňip geçmäge, mätäçlere goldaw bermäge we “adamzat maşgalasynyň her bir agzasynyň” howpsuzlygyny berkitmegiň üstünde işlemäge çagyrdy.
“Goý, bu Mukaddes aý parahatçylyk getirsin we bizi has adalatly hem rehimli dünýä ugrukdyrsyn” diýip, BMG-niň Baştutany sözüni jemledi.
